شاب يضع ملاحظة للمدعوين على حفل خطوبته

رام الله - رايــة:

كتب شاب من كفر كنا في منطقة الجليل على صفحته الشخصية فيس بوك  ....
من منطلق الحفاظ على الخصوصية

(تقديرًا وإحترامًا لها .. حُبًا وعشقًا لروحها .. إجلالًا للزي الذي ترتديه والذي فرضه الله على كل فتاة .. وضعت في اسفل الدعوة (المكتوب) هذا الطلب "الرجاء عدم تصوير العروس" ..

رجاءًا لكل من وصلته دعوة مني لحضور الخطوبة من النساء بدءًا من أخواتي إحترام هذا الطلب وعدم معصيته إحترامًا لي ولخطيبتي ..

رجاءًا لا أريد لأحد أيًا كان أن يرى تلك الجوهرة التي رزقني الله إياها ..)

الشاب محمد شكيب وضع ملاحظة للمدعوين لحفل خطوبته أسفل الدعوة "الرجاء عدم تصوير العروس بتاتًا  لأن ذلك يمس خصوصيتها .

بدورها العروس علقت على صفحتها شاكرة ما بادر به خطيبها ... وكتبت

(المكتوب الي انتشر عالفيسبوك ... والي الحمد لله فكرته وصلت لكتير ناس والاقبال على الفكرة كان اكثر من رائع ... والتعليقات كمان كانت روعة

بس لقيت في بالتعليقات الي انكتبت عالصفحات ! بعض الجمل الي بتقول ( مش لهاي الدرجة ! وشو العروس مقطوع وصفها ... بدي احكي الغاية للمرة المليون وعالملأ ورايحة اكتب الرد الي كنت اكتبه للناس الي كانت تنتقد ! لما انا بنت محجبة وبيوم خطبتي بكشف عن شعري على اساس اني انا بين بنات وفقط بنات  والامر جائز باي حق تيجي صبية تصورني وتبدأ بنشر صوري عن طريق الواتساب او ما شابه  زي ما بصير مع اي صبية ! لهيكا صار لازم انه حتى خطيبي يكتب بمكتوبه مش بس انا  لانه هاد اسمه تعدي على خصوصياتي !

وأنهت :  ( بتمنى تكون وصلت الفكرة لبعض الاشخاص الي عم بنتقدوا الامر)