صرخة مواطن فلسطيني

على المكشوف ...
ليش أنا بدفع ضريبة قيمة مضافة ١٧٪ و ضريبة دخل مع إني بدفع ثمن كل الخدمات اللي بحصل عليها من الدولة كالتالي :
ضريبة نفايات ١٠٠ دولار سنويا
ضريبة أملاك (انت و حظك)
ضريبة مغادرة على المعابر (٤٥ دولار للشخص)
ضريبة معارف ( للتعليم المفروض )
ضريبة محروقات (لتر السولار ١.٤ $)
ضريبة مهن ( رخصه مهن تدفع في ضريبة الأملاك )
ضريبة بيع و شراء عقارات ٣٪ (طابو)
دخولية مدارس ٤٠ شيقل للطالب (٣٠ مليون شيقل تقريبا)
رسوم تأمين صحي (٢٧٠ دولار سنويا) لا يعفيك من دفع رسوم للعلاج ٥ شيقل من هون ١٠ شيقل من هون
رسوم ترخيص سيارة ٢٠٠ _٣٠٠ دولار غير الجمارك١٠٠٪ لما اشتريتها
بخصوص السيارات نقل ملكيتها أو فحصها أو أي تغيير فيها له رسوم تبدأ من ٣٠ دولار و اطلع
كل الأوراق و المستندات الرسمية لها ثمن (هوية ، جواز سفر ،حسن سلوك ، شهادة مدرسة مصدقة ، عدم محكومية .... إلخ )
سعر دقيقة الإتصال المحلي أغلى من سعر رغيف الخبز
شركة الكهرباء بتدفعك حق العامود و الكوابل و بتقعدك عليهم باقي عمرك ... وعداد دفع مسبق أبو ال ٥٠ دولار ب ٥٠٠ دولار !!!
مصلحة المياه حبايبنا رسوم مشترك جديد و عدادات بسعر خيالي و مش مقصرين ...
في المحاكم كل الأوراق مدفوعة ( حلف يمين ، وكالة ، ... ) و اذا دخلت عند القاضي مخالفة أو حق عام أو كفالة رح تدفع وحده من الثلاثة بس احتياطا تدخلش باب المحكمة بأقل من ٥٠٠ دولار يا كبير ... و غيره و غيره و غيره
و لما تموت بدك تدفع حق القبر يا معلم ... اه اه القبر بمصاري !!!

و في الآخر بزفتلك شارع ٢٠٠ مترو بكتبلك هدية من الشعب الياباني !!!!!!! يا زلمة مرة اكتب هدية من الشعب الفلسطيني ... يا زلمة جاملنا دخيلك ... مجاملة بس !!!

و بالنهايه بدهم يمددوا الحظر ويا ريت بوصلك شيكل واحد من الحكومه طيب من وين نصرف إحنا مش منيب المصري يا حكومة؟!