إحنا أصحاب العرس!!
الكاتب: رامي مهداوي
خليني قبل ما أبدأ أكون واضح من أولها، بلاش حدا يفهمني خطأ وهات قطبها، أنا مع إنّا نتحرر من الاحتلال الاسرائيلي، أنا مع الدولة الفلسطينية، انا مش أشطر من حدا، وكل قرارات منظمة التحرير فوق راسي. وأنا مع أي شي بفيد بلدي وشعبي. منيـــــح؟ مش حدا يحكيلي انت ضد المنظمة ولا ضد حدا.
ممكن أطرح في هالخرم شو بسمع من الناس بخصوص "استحقاق أيلول"، أقسم بالله انا ما بتدخل بالسياسة، ياااادوب بناضل في قضايا الشباب، وعلمكم مشاكل الشباب.... شو بتجيب" وجع راس ووجع أسنان....." بس الناس بتسألني أشياء مفكريني فلطح زماني، يعني لازم أجاوب وأحط خطط عن أي قضية.
هون بحاول أسأل أسئلة المواطنين ــ كلك غلبه يا مواطن ــ حول "استحقاق أيلول"؛ يعني بكلمات بسيطة بسألني واحد الاستحقاق علينا احنا الفلسطينيين ولا على المجتمع الدولي؟ ولا علينا احنا الاثنين؟! ولا على اسرائيل؟! وشرف خرم إبرة إني ما جاوبته، بس شجعته حكيتله" هذا استحقاق الحرية وأحرار العالم".
طيب المواطن غايب طوشه في موضوع مهم وسياسي بهم كل فلسطيني على الكرة الأرضية، وأحكيلكم كمان القصة مش بس غايب طوشه، أكثر من هيك!! مش عارف شو راح يصير؟ وشو متوقع النتائج؟ وشو....؟ وشو....؟ ولوين راح نوصل؟ وفي دولة ولا ما في دولة؟ ولا ثلاث دول؟
طيب يا قيادتنا الحكيمة، مش لازم انقيس قبل ما انغيص، أنا بسمع من قيادات انه علينا التروي قبل الذهاب للامم المتحدة في ايلول المقبل، وفي قيادات اخرى أيدت التوجه للامم المتحدة لكنها استبعدت نهائيا ان تحصل فلسطين على عضوية في الامم المتحدة. وفي قيادات بتشوف، ان الذهاب الى الامم المتحدة بحد ذاته امر ايجابي حتى لو عارضت الولايات المتحدة الخطة الفلسطينية.
عشان هيك لازم عليكم يا قيادتنا اتصارحونا شو بصير، وشو الممكن وشو اللي مش ممكن، وكمان لازم يكون هناك عمل ... شغل... حركة يومية على كافة الأصعدة واشراك المواطنين والأحزاب والمؤسسات، والجميع يتحمل المسؤولية لتحقيق الانجاز المتمثل بالاستقلال، بدنا نتحرر يا عالم بدنا نستقل طنيب على المجتمع الدولي، أعطونا دولة، أعطونا كرسي في الأمم المتحدة، أقسم بالله إنا أحسن من جنوب السودان.
وعلى سيرة جنوب السودان، بقهروني كثيـــر اللي متمسكين بوعد عمكم أبو حسين
"مستر أوباما" اللي بحكي فيه انه في العام 2011 في دولة جديدة ستدخل الأمم المتحدة، يا جماعة مستر أوباما قصده عن جنوب السودان، مبرووووووووك عليكم يا سودان.
أنا مش خبير بالسياسة بس المنطق بحكي انه لازم نشتغل منيح عشان يكون هناك ضمانات من الدول الأوروبية ــ اللي وزنها ثقيل ــ عشان اتصوت معانا مش علينا من خلال اتفاقات مكتوبة ومش بس وعود وحكي على الفاضي... لالالا القصة بدها عمل دبلوماسي من الآخر صح ولا مش غلط ؟!
انتم شفتوا البيبي بتاع اسرائيل شو عمل؟ حط أجندة عمل وخصص ملايين لمواجهة هذا العمل، إحنا شو عملنا؟؟؟ وكمان بيبي حط مستشارين من مختلف المشارب التخصصية، واحنا على حطت ايدكم، في البلد عنا بقولوا ما بقوم بالعرس إلا أصحاب العرس، دخلكم احنا شو؟؟؟
عشان هيك في سؤال بالفصحى بدي أسأله عشان تفهموه منيح : أين نحن من مجريات الأحداث المصيرية ؟ وماذا يتوجب علينا تجاهها ؟
يعني بعتقد لازم ما نروح على الأمم المتحدة وإحنا متقاتلين، والتشريعي واقف، وكمان ما في حكومة، ومن جانب ثاني كمان لازم الجميع يوقف وقفة جادة أمام سياسة الاحتلال بطريقة مختلفة وجادة من خلال تفعيل العمل الجماهيري الرافض للاحتلال وإجراءاته. وكمان لازم انحافظ على مؤسسات منظمة التحرير الفلسطينية وتفعيل دورها وضخ دم جديد وتجديد بنيتها وتفعيل دورها.
ولو أنا وزير خارجية بعمل خطة هدفها التواصل الفاعل مع العالم العربي والغربي قادة وشعوباً وإطلاعهم على نتائج ما نقوم به من تحركات على المستويين الداخلي والخارجي. وبخلي سفاراتنا وجالياتنا تخوض الحرب معنا. وأهم شي انه انفعل دور الإعلام في الداخل والخارج وتعبئة الرأي العام الدولي. احنا اصحاب العرس وما بقوم في العرس إلا أصحابه، بدكم إنشمر عن ذراعنا ولا بدكم شو؟؟؟ ممكن اتفهمونا، عشان هذا حق النا، لأنه العريس والعروس من عنّا. ومش رايحين انزل العروس عن ظهر الفرس... انبسطوا؟!
ممكن أطرح في هالخرم شو بسمع من الناس بخصوص "استحقاق أيلول"، أقسم بالله انا ما بتدخل بالسياسة، ياااادوب بناضل في قضايا الشباب، وعلمكم مشاكل الشباب.... شو بتجيب" وجع راس ووجع أسنان....." بس الناس بتسألني أشياء مفكريني فلطح زماني، يعني لازم أجاوب وأحط خطط عن أي قضية.
هون بحاول أسأل أسئلة المواطنين ــ كلك غلبه يا مواطن ــ حول "استحقاق أيلول"؛ يعني بكلمات بسيطة بسألني واحد الاستحقاق علينا احنا الفلسطينيين ولا على المجتمع الدولي؟ ولا علينا احنا الاثنين؟! ولا على اسرائيل؟! وشرف خرم إبرة إني ما جاوبته، بس شجعته حكيتله" هذا استحقاق الحرية وأحرار العالم".
طيب المواطن غايب طوشه في موضوع مهم وسياسي بهم كل فلسطيني على الكرة الأرضية، وأحكيلكم كمان القصة مش بس غايب طوشه، أكثر من هيك!! مش عارف شو راح يصير؟ وشو متوقع النتائج؟ وشو....؟ وشو....؟ ولوين راح نوصل؟ وفي دولة ولا ما في دولة؟ ولا ثلاث دول؟
طيب يا قيادتنا الحكيمة، مش لازم انقيس قبل ما انغيص، أنا بسمع من قيادات انه علينا التروي قبل الذهاب للامم المتحدة في ايلول المقبل، وفي قيادات اخرى أيدت التوجه للامم المتحدة لكنها استبعدت نهائيا ان تحصل فلسطين على عضوية في الامم المتحدة. وفي قيادات بتشوف، ان الذهاب الى الامم المتحدة بحد ذاته امر ايجابي حتى لو عارضت الولايات المتحدة الخطة الفلسطينية.
عشان هيك لازم عليكم يا قيادتنا اتصارحونا شو بصير، وشو الممكن وشو اللي مش ممكن، وكمان لازم يكون هناك عمل ... شغل... حركة يومية على كافة الأصعدة واشراك المواطنين والأحزاب والمؤسسات، والجميع يتحمل المسؤولية لتحقيق الانجاز المتمثل بالاستقلال، بدنا نتحرر يا عالم بدنا نستقل طنيب على المجتمع الدولي، أعطونا دولة، أعطونا كرسي في الأمم المتحدة، أقسم بالله إنا أحسن من جنوب السودان.
وعلى سيرة جنوب السودان، بقهروني كثيـــر اللي متمسكين بوعد عمكم أبو حسين
"مستر أوباما" اللي بحكي فيه انه في العام 2011 في دولة جديدة ستدخل الأمم المتحدة، يا جماعة مستر أوباما قصده عن جنوب السودان، مبرووووووووك عليكم يا سودان.
أنا مش خبير بالسياسة بس المنطق بحكي انه لازم نشتغل منيح عشان يكون هناك ضمانات من الدول الأوروبية ــ اللي وزنها ثقيل ــ عشان اتصوت معانا مش علينا من خلال اتفاقات مكتوبة ومش بس وعود وحكي على الفاضي... لالالا القصة بدها عمل دبلوماسي من الآخر صح ولا مش غلط ؟!
انتم شفتوا البيبي بتاع اسرائيل شو عمل؟ حط أجندة عمل وخصص ملايين لمواجهة هذا العمل، إحنا شو عملنا؟؟؟ وكمان بيبي حط مستشارين من مختلف المشارب التخصصية، واحنا على حطت ايدكم، في البلد عنا بقولوا ما بقوم بالعرس إلا أصحاب العرس، دخلكم احنا شو؟؟؟
عشان هيك في سؤال بالفصحى بدي أسأله عشان تفهموه منيح : أين نحن من مجريات الأحداث المصيرية ؟ وماذا يتوجب علينا تجاهها ؟
يعني بعتقد لازم ما نروح على الأمم المتحدة وإحنا متقاتلين، والتشريعي واقف، وكمان ما في حكومة، ومن جانب ثاني كمان لازم الجميع يوقف وقفة جادة أمام سياسة الاحتلال بطريقة مختلفة وجادة من خلال تفعيل العمل الجماهيري الرافض للاحتلال وإجراءاته. وكمان لازم انحافظ على مؤسسات منظمة التحرير الفلسطينية وتفعيل دورها وضخ دم جديد وتجديد بنيتها وتفعيل دورها.
ولو أنا وزير خارجية بعمل خطة هدفها التواصل الفاعل مع العالم العربي والغربي قادة وشعوباً وإطلاعهم على نتائج ما نقوم به من تحركات على المستويين الداخلي والخارجي. وبخلي سفاراتنا وجالياتنا تخوض الحرب معنا. وأهم شي انه انفعل دور الإعلام في الداخل والخارج وتعبئة الرأي العام الدولي. احنا اصحاب العرس وما بقوم في العرس إلا أصحابه، بدكم إنشمر عن ذراعنا ولا بدكم شو؟؟؟ ممكن اتفهمونا، عشان هذا حق النا، لأنه العريس والعروس من عنّا. ومش رايحين انزل العروس عن ظهر الفرس... انبسطوا؟!
هذا المقال يعبر عن وجهة نظر صاحبه، ولا يعبر بالضرورة عن وجهة نظر شبكة راية الإعلامية.
