أمنيات فتاة فلسطينية في العام الجديد (بدي حالد يوقف بكى )
الكاتب: لما غوشة
بدي نكون شعب رافع راسو مش راسو مرفوع لا من امم متحدة ولا من قطر بالالومبيات ولا من غيرهها. بدي تقوى نخوتنا وبدي ما نشععر بالذل بدي الكرامة ترجع تسيطر عروحنا بدي نكون اقوى واوعى. بدي نسترجع كلشي فقدناه، بدي اغير كل السلطة، وكل حماس وازحلق "المسؤولين". بدي استوديو مثل الناس بتلفزيون فلسطين، بدي اطلع جريدة مستقلة. بدي اشغل كل البنات البشعين، وكل الشباب اللي قدراتهم ضعيفة، بدي اوقف المي اللي قدامم المقاطعة عشان نص العالم ما تتحسرر عشان ريقها. بدي اجيب الهوية الزرقا واحطها عميزان وجنبها الهوية الخضرا واشهد كل العالم انهم متساويين، والزرقا مش نازلة. بدي اضحك كل ولد ببكي بغزة، وابني كل بيت انهدم. بدي البس حطة بتحكي، وبتقول اللي بلبسني بس فلسطيني، بديي امرق عن الحاجز ملكة، واشوف علم فلسطين بيرفرف فوق، بدي انتقم من علم اسرائيل، بدي انتقم من كل حدا خلع زيتونة ،بديي سنة محرومة من الفقدان، بدي سنة بتحكي وبتقول، اننا بحب شعي.
بدي اعمل فريق رياضي عاملي واسمي مدريد وبرشلونة فلسطين، عشان يكون عنا انتماء حتى بالرياضة. بدي انضف البلدد انضفها من الرشاوي والواسطة والمحسوبية ومن الزبايل اللي هما الناس اللي عراس كل هالقصص.
بدي شباب البلد يكونو زلام ومش طنطات، وبدي بنات عندها عزة نفس. بدي اعمل منطقة قلنديا ميدان واسمي ميدان الكرامة، بدي تنفجر ارض قلنديا من الوجع اللي شافتو من دموع الحجات والاطفال ومن الذل اللي عاشو الرجال ومن القهر اللي شافو الشباب بدي اياها تنفجر وتبلع كلشي موجود هلا ووقتها انا برووح ببني. بدي الدنيا تشتي فرح عشان بلكي يعني ممكن نرجع نخلق بملامح غير.
بدي دوولة بخارطة وملامح، والاههم اني بدي أنضف القدس من كثير مشاهد وظواهر بشبابها مش النا، مشان اقدر ارجع انتمي الها.
بتمنى اني اوصل رام الله بدون معاناة وجع، بتمنى انو ولاد ولادي يكون الهم واقع تاني غير اللي عايشينو. بتمنى اني ما اشوف شحااد عالارض، ولا ايد ممدودة، وواكتر اشي بتمنى انني ااخد المسكة واطعميها لكل الاولاد اللي بيبيعوها في الشواررع، انا بايدي بدي أطعمهم اياها عشان يحسو مرة بطعمها لما تكون مش راس مالهم و لما تكون الهمم بدون مقابل. بدي اعمل برنامج لولاد الشوارع وما اخلصو الا لما اتاكد انو ما ضل ولا ولد الا وروح، لاني مرة على قلنديا شفت ولد اسمو خالد، اممر وحلو وببيع مي كتير بيسرق من مشاعري، هذا الولد بس اشوفو كل عواطفي بتحرك واكتر اشي بحبو فيه هو انو عندو عزة نفس مستحيل ياخد مصاري بدون ما يبيع حتى لو انت ما بدك تاخد المي مما برضىى، مرة واحد ابن كلب عربي وفلسطيني زيو يعني واقف عالحاجز ضربو كف ... والولد يعني خالد ضل يبكيي يبكي يبكي يبكي وبحرقة وجع وضل مصرر انو يبكي بدون صوت. كنت بصرخ بعيوني عالشخص عم بصرخ وبحكيلو لييييييييييييييييييييييييييييييش تعمل هيك ليش! مش عشان بالشارع ومش شايف امو وابو ورا يعني ما عندو كرامة. بس لساني سكت وصنمم، بس عيوني كانو بيحكوا كتير. كنت عم اطلع عخالد وكلي دموع كان نفسي ارجع الوقت وما اخليه يشعر بالاهانة كان نفسي احضنو واخد كلو وجعوو واحطو عندي مع اني توجعت قدو بالضبط بس ما كان بدي ياه يتوجع ما ببستتااهلل مما بستاهل. وبالاخر راح فيه عننا ادمانن للظلم.
بدي ارجع كل فلسطيني مهجر والاهم من هييك كل واحد ترك بلادو عشاان مصلحتو، كل احد طلع برة يرجع، بدي لما واحد بستخدم كرسي متحرك يقدر يوصل وين ما بدو بنك مجمع تجاري اي اشي بدي ما يضل يحس انو اقل من غيرو وآخر شي بدي نكون اكتر فلسطينية حتى الشيكل بديش اياه، والعبري بديش اياه، والتامين بديشا اياه والمولات بديش اياهم.
صحيح كنت بدي انسى، بدي اربط لسان كل مسؤول فلسطيني ما عرف يرد على أحمد منصور.
